Um Gisla Sigurðsson
Gísli Sigurðsson er fæddur 30.12. 1930 í Úthlíð í Biskupstungum. Eftir verzlunarpróf lá leið hans í blaðamennsku og var hann blaðamaður hjá Samvinnunni í fjögur ár og siðan ritstjóri Vikunnar á árunum 1959-1967.
Hann hefur stundað myndlist í 48 ár ásamt blaðamennsku en hann var um þrjátíu og þriggja ára skeið umsjónarmaður Lesbókar Morgunblaðsins. Siðan 1967 hefur hann haldið 12 einkasýningar flestar þeirra fremur stórar, þ.á.m. þrívegis á Kjarvalsstöðum auk þess hefur hann sýnt í Bogasal Þjóðminjasafnsins, í Norræna húsinu, Listasafni Árnesinga á Selfossi, Gallery Háhóli á Akureyri, Hafnarborg í Hafnarfirði og Gerðasafn í Kópavogi 2001, en til þessa er það síðasta sýning hans.
Í vaxandi mæli byggir Gísli myndverk sín á náttúru landsins og oftast með olíulitum á léreft en einnig með blandaðri tækni. Myndlist hans er að mestu leiti frásagnarlegs eðlis og stundum með sögulegum og þjóðlegum þáttum og stundum er það allt samofið náttúru landsins. Hann hefur einnig málað portrett bæði fyrir einstaklinga og stofnanir.
Eftirlætismyndefni Gísla er hálendið og svæðið inn til jökla. Benda má á það hér að haustið 2007 gaf hann út listaverkabók undir heitinu “Ljóðmyndalindir”. Þar eru ljósmyndir af 50 málverkum sem hann hefur málað á síðasta aldarfjórðungi og einnig eru þar ljóð sem hann orti með hverri mynd.
1.Yfirlit frá síðustu árum, smelltu hér
Nokkrar eru enn fáanlegar í albúmi 1
2. Ýmislegt frá síðustu árum, smelltu hér
Þar eru allar myndirnar til sölu, þ.e.a.s. í Albúmi 2
Hér getur þú séð myndasýningu (slidesshow)
Jóhanna er að selja bækurnar sem Gísli skrifað Seið lands og sagna, auk Ljóðmyndalinda
Jóhanna er í síma 5657855